- ÉCH TCHUIN D’ZIU D’ÉCH BAROUMOAITE -
les états d’âme du webmestre
- ÉCH TCHUIN D’ZIU D’ÉCH BAROUMOAITE -
évnez vir !
Éll érvlò, éch preume d’avri ! Conme tous lz ans os allez don avoér droét à min pichon (pichon signifie poisson) d’avri, os y êtes duits (duits signifie habitués) , népoint (népoint signifie n’est-ce pas) ! I n’y in éroait point qu’a vous froait tout drôle ! Éj sins qu’os êtes lò à vous épiner (s’épiner signifie s’impatienter) , qu’os n’in pouvez pu d’attinde pi qu’os allez tchair (tchair faibe signifie perdre connaissance cliquer pour voir la conjugaison de tchair) faibe siq i n’arrive point rondébilis (rondébilis signifie rapidement) din vo gatte (vo gatte signifie votre assiette) , éch fanmeux pichon !
Mais soin (soin interjection signifiant attention) à vous ! Qué malheur éd t-ête à s’djife (ête à s’djife signifie être gourmand) conme cho ! Soin, nom d’un tchien, os allez vous étotcher (étotcher signifie étouffer, s’étrangler) , éch pichon i s’in vo passer pa ch’treu à l’tèrte (passer pa ch’treu à l’tèrte signifie passer dans les voies respiratoires) ! Des cœups à s’értrouvoér à ch’camp d’soéle (ch’camp d’soéle c’est le cimetière) . Pi lò, os srez bien avanché, cré nom dé nom ! Ch’est pour él cœup qu’cha sroait coére (coére signifie encore) un rude pichon d’avri. Mais jé n’vos point vous foaire landjir pu longtemps.
Évnez vir, à n’vous dit rien ?… Évnez vir, a n’est point tchér nan pu ?
A n’est mie Diu possibe, ch’est d’él badrée (badrée signifie bouillie) din vos chervelles ?
Évnez vir, a n’est point tchér, chés Picards in bourgerons…
ou bin coére, à mesure (à mesure signifie parfois) ,
Évneu vir, a n’est point tchér, chés Picards in borgerons…
Lò, a vous dit‑ti tchéque cose (tchéque cose signifie quelque chose) , tas d’hocleux (hocleux signifie bon à rien) , acré binde d’ortopos (ortopo signifie incapable) ?
Bé, vlò ch’qu’i nn est ! Ch’est viu éd pu d’quèrante ans : in.ne Canchon naturelle-région.nale écrite pèr Jacques Dulphy, avuc in.ne musique à Jean-Luc Vigneux. Siq os voulez ll’intinde ou bin él réintinde, i vous feuro aller Adville. Éch samedi six d’avri, éch Lanchron i s’in vo fêter ses quèrante-quatre ans ! Pi vlò ch’progranme :
• CHINTE TCHULTURÉL REX D’ADVILLE
(plache Cléminceau. Éstationnemint aisè)
14 h 30 : Os éte attindus din chol salle d’éch rez-d’cœuchie
(rez-d’cœuchie signifie rez-de-chaussée) d’éch cinéma
15 h 00 : Atcheuil pèr Ch’Lanchron
Mot d’biévnue pèr échl Agince d’él région pour éch picard
Adviseries (Adviseries signifie discours) d’éch Maire d’Adville et pi d’chés autoritès
15 h 15 : Premiére d’éch film d’érportage « AUX RACINES DE CH’LANCHRON »
16 h 00 : Écange aveuc PIERRE VERDEZ éch réaliseu d’éch film,
et pi aveuc JACQUES DULPHY pi JEAN-LUC VIGNEUX,
chés deux invinteus in 1979 d’éch jornal picard Ch’Lanchron
16 h 30 : Quiques CANCHONS IN PICARD pèr Ch’Lanchron
sans oblier d’érprinde... « Bidet-Léon » !
• GRANNE SALLE ÉD CHÉS CARMES
(à chinquante métes d’éch Rex)
Din chol salle : Éspositions d’tchulture picarde pèr échl Agince d’éch picard
Édsu chés tabes : Lives à rbéyer (rbéyer signifie regarder) o bien à acater à l’gronnèe (à l’gronnèe signifie à foison) pèr Ch’Lanchron
17 h 00 : Présintation d’éch nouvieu live dépuliè (dépuliè signifie publié) pèr Ch’Lanchron :
« FLAHUTES ET PI CORBILLON »
17 h 30 : Os churtchons (churtchons signifie trinquons) à l’boéne santè
dé Ch’Lanchron et pi d’éch picard !
17 h 45 : Vinte d’éch live à chés amateus
Séance éd sinures (sinures signifie signatures)
18 h 30 : O pinse à rfreumer chés portes
19 h 00 : Adè,mes gins!
Pour savoér siq ch’est du lèrd ou bin du cochon, siq ch’est un pichon d’avri ou bin point, i nn’est qu’d’ésn aller Adville éch six d’avri ! Combien d’foés qu’i feuro vous l’répéter ?
Éch baroumoaite,
pèr éch preume d’avri 2024.
Rindez-vous à din tchinze jours pour un nouvieu tchuin d’ziu. Conme éd bien, i y éro étou du neu un molé (un molé veut dire un peu) d’tous les côtés... pétête (pétête signifie peut-être) !
Adé pi vnez nous rvir.
